مشہور پنجابی دوہڑے

آ ویکھ تا سہی تیرے وانگ کیوے بدلی گئے ہاں 

کدی خاص ہاسے آج عام وی نئی ککھ وانگوں راہے مدھلی گئے ہاں 

کدی بے وجہ اتھروں آ پے ہن کدی ہاسیاں نال گوتی گئے ہاں

توساں یار مزاق توں آکھیا ہاں اسی تے پاگل تھی گئے ہاں۔

---------------------

ہر بَشر نوں وقت دی قِلت اے _ نا لے فِکر معاش دے کھا گئے

قِصے تھی گئے ختم محبتاں _ دے گَل پئے غرضاں دے پھاہ گئے

نئیں وسدی ساون سنگتاں دی _ اُڈی ریت تے بنڑ صحرا گئے 

نہئ رہھ گئیاں "ظِل" دریا دلیاں _ ہِن جدن دے سُک دریا گئے

-----------------------

ذمے اوکھ دے چا کے لگدیاں نوں آسانیاں کوئی کوئی دیندائے

 کشکول دے بدلے وطن دیاں سلطانیاں کوئی کوئی دیندائے. 

دل آئیاں ھر کوئی نیں ساہندا من مانیاں کوئی کوئی دیندائے

ڈھگ درد ان غرضوں چوریاں دے قربانیاں کوئی کوئی دیندائے