‏ہماری چاہت کا لمحہ لمحہ وصال ہوتا . محسن نقوی

‏ہماری چاہت  کا لمحہ  لمحہ  وصال  ہوتا، کمال ہوتا۔۔

تمہارا ہم سے بچھڑنا پل بھر محال ہوتا، کمال ہوتا۔۔

مری نظر میں ترا سراپا سنور رہا ہے جس طرح جاناں،

تری نظر میں بھی  گر مرا طیہ جمال  ہوتا، کمال  ہوتا۔۔

ہوا کی لہروں پہ ڈولتے کچھ  خزاں رسیدہ  یہ سرد  پتے،

کسی کی چاہت میں تیرا بھی گر یہ حال ہوتا، کمال ہوتا۔۔

اے کاش کہ ہم تماری قربتوں کی حِدتوں میں پگھلتے رہتے،

حقیقتوں  میں   ڈھلا   کبھی   یہ  خیال   ہوتا، کمال   ہوتا۔۔

تجھے جو معلوم ہوتے جاناں وفا کے رسم و رواج سارے،

محبتوں   میں   ہمارا   قصّہ   مثال   ہوتا، کمال   ہوتا۔۔

یہ رُت خزاں کی، یہ شام کے پل، یہ تیری یادیں، یہ میرے آنسو،

تمہاری  فرقت   کا  گر   کبھی  نہ   یہ  جال   ہوتا  کمال   ہوتا۔۔

محسن نقوی