پنجابی دوہڑے سوال و جواب خصوصی پروگرام

سرُو دے بوٹے تے آج دے انسان وچ کار سوال و جواب

پہلے انسان 

توں سچا پیا جھولدا ایں تیرے سجنڑ جے کول ھن لۓ سرو دیا بوٹیا چساں 

ساڈے نال تاں لگدیاں حد کر چھوڑی تینوں کیہڑیاں کیہڑیاں دساں

تینوں وسدیاں ویکھ کے لڑھ پیاں ھن میری اکھ چوں سدھراں دیاں تساں 

جداں اندر "حیات" سواد نہ ھووے  کیویں کملیاں وانگ میں ھساں

.

جواب سرو دا بوٹا 

توں نہ گھبری اللہ سجنڑ ملائسی رکھ دل اچ یار تسلیاں

میں بی نکا جیڈا آھس تاں مالی توں کئ سال میں رمبیاں جھلیاں

جداں سجنڑ "حیات" گواڈھ آ وسے بختاں دیاں پھٹ پیاں کلیاں

ھن دھاڑ اچ پنج پنج وار ملیندا اے نہی رجدیاں اکھیاں جھلیاں

<----------------------------------->

<----------------------------------->

ہک پنجابی دوہڑا ساریاں بیلیاں لئی

سکھی سونڑاں تے جاگنڑاں مرضی دا جداں درد پریت بنڑائ ناھی 

کدوں چڑھدا ہاہئ کدوں لاھندا ہاھی اللہ جانڑدائے چنتا کائ ناھی 

بنڑی پریت تاں درد نصیب ولا گئے اساں وت وی نیت وٹائ نہی 

ھنڑ ستیاں وی نیندر نی آندی کدی جاگ کے رات لگھائ ناھی